Barzelletta in veneto

Oggi propongo una barzelletta in dialetto veneto (per i meno polentoni presto una traduzione!)

 

Na coppia la decide de passar le ferie ai Caraibi, nel stesso albergo dove che i gera ‘ndai in viaio de nosse 20 ani prima. Purtroppo, par problemi de lavoro, la mojere non la pol partir col mario, per cui la ‘riva un pochi de giorni pi’ tardi. Quando che l’omo ‘riva in albergo, el va dentro ne la so camera e el vede che ghe xe un compiuter co’ internet. El decide subito de mandarghe ‘na mail a so mojere, ma el sbaja indirisso e, sensa incorsersene, la manda da ‘naltra parte. La mail a vien ricevua da ‘na vedova che la jera ‘pena rientrada dal funeral de so’ mario e che par straviarse la decide de vedar i messaggi de condoglianse ricevui. El fiolo de la vedova, pena che ‘l riva casa, el trova so mama svenuda davanti al compiuter. El varda e ‘l trova la mail che la gaveva appena leto:

“Cara sposa, so’ rivà. Tuto ben. Probabilmente te sarè sorpresa de ricever me notissie via mail, ma anca qua, deso, i ga el compiuter par mandare i mesaggi a le persone care. Pena che so’ rivà, me son assicurà che fosse tuto a posto anca par ti, per quando che te rivarè, venare che vien… No’ vedo l’ora de vederte e spero che el to viaio sia tranquillo come che xe stà el mio. No stà portarte tanti vestiti parchè qua fa un caldo infernal!!!”